粮尾食好西! 激平 $ 10生蚝 全日任叫冇限额

热度:852℃
每逢食海鲜,特别係食 生蚝 ,一埋单就觉得好贵好肉赤,所以每次想食生蚝都要左谂右谂,最后为咗悭得一蚊得一蚊,就打消呢个念头。宜家唔驶愁喇,因为香港有餐厅推出 $ 10生蚝 优惠,任叫之余,仲要係全日供应!呢个平民优惠引嚟网上热烈讨论,我哋记者Mandy同Sam都唔执输去试食,估唔到竟然有惊喜!

任叫 $ 10生蚝 性价比极高!

Oyster Station Snack and Oyster Bar周不时都会推出优惠,而引起大家心动嘅优惠,就係$10 一只生蚝任叫,虽然优惠全日供应,不过只限堂食。而每间分店每日供应嘅优惠蚝款唔同,所以质素都有所差别。

今次我哋去咗乐富分店,$10生蚝就係南非Rolex生蚝。生蚝洗得乾净,大只又冇沙,虽然$10/只,但生蚝份量比想像中大,有半只手拳咁大。味道方面,海水味好重,质感好Creamy,性价比极高,好有惊喜!不过平时食得淡味d嘅朋友仔就可能会觉得较鹹喇。

粮尾食好西! 激平 $ 10生蚝 全日任叫冇限额
12只生蚝都只係$120!
粮尾食好西! 激平 $ 10生蚝 全日任叫冇限额
虽然$10/只,但生蚝份量比想像中大,有半只手拳咁大,唔算细只。
粮尾食好西! 激平 $ 10生蚝 全日任叫冇限额
生蚝洗得乾净又冇沙,可以好放心食落肚。

$120半打 苏格兰+爱尔兰生蚝

想食好少少,可以拣$120半打生蚝。同样,每日生蚝品种都会有机会唔一样,今次係爱尔兰Premium同苏格兰Cumbrae Pearl生蚝。由于店主见其中一只生蚝偏细只,特登送多一只畀我哋,真係好贴心!

因为有唔同品种生蚝,店主仲教我哋应该食咗爱尔兰Premium生蚝先,再食苏格兰Cumbrae Pearl生蚝。爱尔兰Premium生蚝够胀卜卜,肉质爽口,海水味较淡,食落会有少许青草味。而苏格兰Cumbrae Pearl生蚝较簿身,蚝味淡但海水味突出,味道最鹹。

粮尾食好西! 激平 $ 10生蚝 全日任叫冇限额
左边4只係爱尔兰Premium生蚝,而右边3只係苏格兰Cumbrae Pearl生蚝。

记者食后感!

试晒3款生蚝之后,Mandy比较锺意食最平嘅南非Rolex生蚝,海水味重但唔会太鹹,而且够Creamy。而Sam就锺意爱尔兰Premium生蚝,海水味比其他淡,带少少草青味好特别,肉质爽口d。

粮尾食好西! 激平 $ 10生蚝 全日任叫冇限额
Mandy最锺意食南非Rolex生蚝,海水味重又Creamy。
粮尾食好西! 激平 $ 10生蚝 全日任叫冇限额
Sam就锺意食爱尔兰Premium生蚝,有少少草青味,食落几fresh。

 

睇足本片段介绍:

 

 

去之前最好Book定位!

由于宜家已经好多人去食,午市只限walk-in,12点开始就有得食,不过晚市就最好book定位喇,因为有网民表示,去过土瓜湾分店,唔止full booking,未来几日都满座,所以想食就要提早几日打去订位。要留意嘅係,一共有4间分店,听讲每间分店每日供应嘅蚝款同质素都唔同,味道可能就会有d偏差。

粮尾食好西! 激平 $ 10生蚝 全日任叫冇限额
有网民曾留言指,上星期去土瓜湾分店谂住walk-in,点知full booking。

Oyster Station Snack and Oyster Bar

土瓜湾分店

地址:土瓜湾宋皇台道38号傲云峰地舖

营业时间:12:30pm-11:30pm

电话:3514 3062

大角咀分店

地址:大角咀诗歌舞街83号亮贤居地下1号舖

营业时间:星期一至日12nm-12am

电话:2457 1233

乐富分店

地址:乐富联合道198号乐富广场街市地下401-402号舖

营业时间:星期一至日12nm-11:30pm

电话:2549 0132

O S Plus

将军澳分店

地址:将军澳唐德街9号将军澳中心1楼163B舖

营业时间:星期一至日12nm-10:30pm

电话:3743 1188

 

想知更多好玩生活资讯,留意Mandy facebook专页:

粮尾食好西! 激平 $ 10生蚝 全日任叫冇限额

想知更多吃喝玩乐、扮靓资讯,就快d like Sam拍胃 facebook page啦!

粮尾食好西! 激平 $ 10生蚝 全日任叫冇限额